نور اسلام - نومبر-2018
دن رات مدینے کی دُعا مانگ رہا ہوں
تا عمر مدینے سے وفا مانگ رہا ہوں
لحد میں خوش بختی کے واسطے مولا
نورِ محمد ﷺ کی ضیاء مانگ رہا ہوں
دل میں ہو ،عشقِ نبی ﷺ لب پہ ہو نام تیرا
وقتِ نزع ایسی ادا مانگ رہا ہوں
مانگوں بھلا کس سے! سخی تجھ سا نہیں ہے
دامن میں عطاؤں سے بھرا مانگ رہا ہوں
مدت سے نہیں چین میرے روح و قلب کو
صدقہ میں محمد ﷺ کا شفاء مانگ رہا ہوں
میرے مولا! دے چشمِ بصیرت مجھ کو
سُرمہ خاکِ کفِ پا ﷺ مانگ رہا ہوں